Nev’-i diğer Papaz Yahnisi

Bu en kolayıdır. Tariki: Miktar-ı vâfi balık tedarik ve tathirden sonra birkaç baş soğan ince ve tekerlek doğrayıp nısfını bir sahana döşeyip tathir olunmuş çiğ balıkları bütün bütün dizip ve soğanın nısf-ı aherini dahi üzerine döşeyip bir fincan rugan-ı zeyt ve iki fincan sirke ve tuz ile kor üstünde aheste pişireler. Bu dahi fena olmaz. İşbu iki nev’i papaz yahnilerinin soğanlarına bolca maydanoz dahi ilâve olunur ise daha âlâ olur.